آآآآآآآآآه يا صمتـــــ

عشقت صمتي لحتى صار عنواني
وأصبحت بالصمت بين الناس مشهوره
أخفي جروحي بقلبي وأكتم أحزاني
وكل من عرف قصتي يقول معذوره
خاويت صمتي وصمتي بعد خاواني
الصمت صوره وانا البرواز للصوره
مابوح بالسر حتى لأقرب أخواني
لأني شربت الغدر وذقت من جوره
ياماتحملت حتى حملي أضناني
كبدي من الهم والأحزان مفطوره
وأن رحت أفضفض عن ألامي وأشجاني
للبحر يغضب وتحصل داخله ثوره
يقول صمتك ذبح موجي وشطأني
وصارت صخور الحواجز منه مكسوره
أحاول أحكي ولكن صمتي أقصاني
وأحس أن كلمتي في الحلق محشوره
وتنهمر دمعتي وتحرق أجفاني
ورد للبيت وانا للصمت مأسوره
أصمت لأني لقيت في الصمت سلواني
أكتم جروح الزمن وأعيش مقهوره
هذه حياتي وهذا بعض ماجاني
شرحت صوره لكن من ألف صوره





ودمتمــ بود